Syr Gawayn & že Grene Kny3t

He dowellez žer al žat day, and dressez on že morn,
Askez erly hys armez, and alle were žay bro3t.
Fyrst a tulé tapit ty3t ouer že flet,
And miche watz že gyld gere žat glent žeralofte;
Že stif mon steppez žeron, and že stel hondelez,
Dubbed in a dublet of a dere tars,
And syžen a crafty capados, closed aloft,
Žat wyth a bry3t blaunner was bounden withinne.
Ženne set žay že sabatounz vpon že segge fotez,
His legez lapped in stel with luflych greuez,
With polaynez piched žerto, policed ful clene,
Aboute his knez knaged wyth knotez of golde;
Queme quyssewes žen, žat coyntlych closed
His thik žrawen žy3ez, with žwonges to tachched;
And syžen že brawden bryné of bry3t stel ryngez
Vmbeweued žat wy3 vpon wlonk stuffe,
And wel bornyst brace vpon his bože armes,
With gode cowters and gay, and glouez of plate,
And alle že godlych gere žat hym gayn schulde

žat tyde;

Wyth ryche cote-armure,
His gold sporez spend with pryde,
Gurde wyth a bront ful sure
With silk sayn vmbe his syde.

When he watz hasped in armes, his harnays watz ryche:
Že lest lachet ouer loupe lemed of golde.
So harnayst as he watz he herknez his masse,
Offred and honoured at že he3e auter.
Syžen he comez to že kyng and to his cort-ferez,
Lachez lufly his leue at lordez and ladyez;
And žay hym kyst and conueyed, bikende hym to Kryst.
Bi žat watz Gryngolet grayth, and gurde with a sadel
Žat glemed ful gayly with mony golde frenges,
Ayquere naylet ful nwe, for žat note ryched;
Že brydel barred aboute, with bry3t golde bounden;
Že apparayl of že payttrure and of že proude skyrtez,
Že cropore and že couertor, acorded wyth že arsounez;
And al watz rayled on red ryche golde naylez,
Žat al glytered and glent as glem of že sunne.
Ženne hentes he že helme, and hastily hit kysses,
Žat watz stapled stifly, and stoffed wythinne.
Hit watz hy3e on his hede, hasped bihynde,
Wyth a ly3tly vrysoun ouer že auentayle,
Enbrawden and bounden wyth že best gemmez
On brode sylkyn borde, and bryddez on semez,
As papiayez paynted peruyng bitwene,
Tortors and trulofez entayled so žyk
As mony burde žeraboute had ben seuen wynter

in toune.

Že cercle watz more o prys
Žat vmbeclypped hys croun,
Of diamauntez a deuys
Žat bože were bry3t and broun.

Then žay schewed hym že schelde, žat was of schyr goulez
Wyth že pentangel depaynt of pure golde hwez.
He braydez hit by že bauderyk, aboute že hals kestes,
Žat bisemed že segge semlyly fayre.
And quy že pentangel apendez to žat prynce noble
I am in tent yow to telle, žof tary hyt me schulde:
Hit is a syngne žat Salamon set sumquyle
In bytoknyng of trawže, bi tytle žat hit habbe3,
For hit is a figure žat haldez fyue poynte3,
And vche lyne vmbelappez and loukez in ožer,
And ayquere hit is endelez; and Englych hit callen
Oueral, as I here, že endeles knot.
Foržy hit acordez to žis kny3t and to his cler armez,
For ay faythful in fyue and sere fyue syžez
Gawan watz for gode knawen, and as golde pured,
Voyded of vche vylany, wyth vertuez ennourned

in mote;

Foržy že pentangel nwe
He ber in schelde and cote,
As tulk of tale most trwe
And gentylest kny3t of lote.

mauler's (non-verse) translation:

25
He dawdled there the whole day and dressed the next morning,
Called early for his arms, and all were brought.
First a crimson carpet was stretched over the floor,
And much was the gilt gear that gleamed thereupon.
The sturdy man stepped forward, and handled the steel,
Dressed as he was in a doublet of costly silk,
And a well made cape, clasped at the top,
That was trimmed within with splendid ermine.
Now they fitted the steel shoes upon the knight's feet,
And laced his legs in steel with lovely greaves,
And thereto attached polains, that were brilliantly polished,
Around his knees fastened with knots of gold;
Fine cuisses next, that cunningly enclosed
His thick muscular thighs with attached thongs;
And then an interlocking byrnie of bright steel rings
Enveloped the man and his beautiful clothes;
And there were well burnished bracers on both of his arms,
With good couteres and fine, and gloves of plate,
And all the goodly gear that should serve him,