Lully, lulley; lully, lulley;
The fawcon hath born my make away.
He bare hym up, he bare hym down;
He bare hym into an orchard brown.
In that orchard ther was an hall,
That was hangid with purpill and pall.
And in that hall ther was a bede;
Hit was hangid with gold so rede.
And yn that bed ther lyth a knyght,
His wowndes bledyng day and nyght.
By that bedes side ther kneleth a may,
And she wepeth both nyght and day.
And by that beddes side ther stondith a ston,
'Corpus Christi' wretyn thereon.
A modest nodeshell rescue dedicated to the Fisher King, may he get well soon.